علق محمد أشرف روقا، لاعب الزمالك السابق ونادي حرس الحدود الحالي، على مشهد رمي زجاجات المياه على مارسيل كولر المدير الفني بالنادي الأهلي.
وكتب على صفحته الشخصية بموقع التواصل الإجتماعي إنستجرام: “بخصوص الصورة اللي نازله على كل السوشيال ميديا لمدرب الاهلي وهو خايف من رمي ازايز المايه عليه وهو ولا حول له ولا قوة لقيت فيه ناس مستغربة من المنظر وانه مينفعش
كده وان لا ده احترام ولا ديننا امرنا بكده وهما هما الناس اللي بيقعدو ينزلو بوستات للاعيبه على حسب طبعا النادي اللي بينتمي ليه
ويقعدو يسبو فيهم ويشتموهم بااقبح الالفاظ والشتايم ويخوضوا في اهلهم وعرضهم وبيفرحوا اما بيسمعوا شتيمة اللاعيبه لاي نادي منافس بالاب والام وساعات خوض في اعراضهم محدش بيطلع يقول ده غلط وحرام قولناه بس اما شوفنا راجل كبير في سن اب اي حد فينا صعب علينا الدين والحرام والحلال والاحترام مبيتغيروش بتغير المواقف ولا الاشخاص، استقيموا يرحمكم الله”.
تمسك السويسرى مارسيل كولر المدير الفنى لفريق الكرة بالنادي الأهلي بالحصول على قيمة الشرط الجزائى كاملا، فى حالة اتخاذ مجلس ادارة النادي الأهلي قرارا بالاستغناء عن المدرب، بعد الخروج من دوري أبطال افريقيا .
وودع النادي الأهلي بطولة دوري أبطال أفريقيا أمس، بعد التعادل الايجابي 1 / 1 أمام صن داونز ليودع الفريق البطولة على أرضه ووسط جماهيره .