يا ترى امته لجنة السياسية النقدية في البنك المركزي هتجتمع تاني في 2025، وإيه هي توقعات قرارها بخصوص أسعار الفايدة في الفترة الجاية، هل هتخفض ولا هتثبت ولا ممكن يحصل رفع مفاجئ لها؟طبعا، كتير من المصريين وخاصة المستثمرين ورجال الأعمال منتظرين نتيجة الاجتماع التالت لجنة السياسية النقدية في المركزي، والمقرر له يوم 22 مايو الحالي، عشان هياخد واحد من أهم القرارات اللي بتنظم السياسية النقدية في مصر في الفترة الجاية، وهي أسعار الفايدة، واللي بيتحدد بناء عليها حاجات كتيرة أوي، زي الاستثمارات وأسعار السلع والخدمات وكمان معدلات التضخم وغيرها.عشان كده، البنك المركزي المصري هيجتمع الأسبوع الجاي عشان يحسم سعر الفايدة على المعاملات المصرفية داخل البنوك للفترة الجاية، وده زي ما قولنا هيكون الاجتماع الثالث في سنة 2025، ومحدد له يوم 22 مايو.وطبعا، كلنا عارفين إن لجنة السياسية النقدية هي الجهة المسئولة داخل البنك المركزي المصري عن تحديد سعر الفايدة في البنوك المصرية، وكانت في آخر اجتماع في 17 إبريل اللي فات، قررت خفض الفايدة بمقدار 2.25% بواقع 225 نقطة أساس، يعني بنسبة 2 وربع في الميه.كمان، وصل سعر الفايدة علي الايداع 25% والإقتراض لليلة واحدة 26% و العملية الرئيسية للبنك المركزي 25.5%، وسجل سعري الائتمان والخصم 25.5% لكلا منهم، وجه قرار خفض سعر الفايدة للمرة الأولي بعد سنة أو 7 مرات من تثبيت الفايدة.وحاليا، التوقعات بتقول إن البنك المركزي هيخفض الفايدة للمرة الثانية في 2025، وهيكون بنسبة 1%، واللي بيعزز الاتجاه ده هو تقرير 17 أبريل بإن التضخم مرشح للارتفاع خلال الربع الثالث من 2025، قبل ما يرجع ينخفص تاني عشان يقترب من مستوى 11% بنهاية السنة.كمان، المخاطر الجيوسياسية والتوترات في التجارة العالمية لسه بتمثل مصدر لقلق السياسة النقدية، لكنها مش هتنمع من استمرار مسار الخفض، ولو بوتيرة أكثر تحفظا.والقرار ده هيكون له تأثير إيجابي مباشر على مناخ الاستثمار وخاصة سوق الأسهم، لأن المستثمرين بيتجهوا للأدوات الاستثمارية اللي يتحقق عوائد أعلى، زي أسهم البورصة، بدل أدوات الدخل الثابت.كمان، القطاعات اللي هتكون الأكثر استفادة من القرار ده، هو القطاعين البنكي والعقاري، وده بسبب انخفاض تكلفة التمويل وزيادة النشاط الاستثماري، في حين ممكن قطاعات تانية تضرر زي الشركات المدينة أو اللي بتعتمد على القروض في توسعاتها.وحاليا كل المؤشرات بتدعو التفاؤل وبتعزز من ثقة المستثمرين في الاقتصاد المصري، خاصة وإن في شركات كتيرة وكمان البنوك وشركات عقارات وأغذية ومشروبات كانت حققت أرباح قوية بسبب قرار خفض الفايدة اللي فات، وممكن القرار الجاي يرفع المؤشرات الخضرا أكتر وأكتر، ويأكد على قدرة السوق المصري على جذب الاستثمارات، بسبب الإصلاحات الاقتصادية اللي بتحصل.ولو ماتعرفش، فالبنك المركزي المصري بيعقد 8 اجتماعات دورية للجنة السياسو النقدية خلال سنة 2025، وبالفعل عمل اجتماعين، ويتبقي لها 6 اجتماعات تانية هيسكون أقربها الاسبوع الجاي.كمان، الاجتماع الرابع هيكون في 10 يوليو الجاي، والخامس في 28 أغسطس، والسادس في 2 أكتوبر من نفس السنة، والسابع في 20 نوفمبر، وأخيرا الثامن والأخير في 25 من ديسمبر الجاي.
ثالث اجتماع في 2025.. شوف توقعات قرار البنك المركزي بخصوص أسعار الفايدة في مصر
