قال الفنان طه دسوقي إن حصوله على تكريم من الجمهور يمثل لحظة خاصة لا تُنسى في مسيرته، مشيرًا إلى أن أي جائزة تأتي من الجمهور تكون عزيزة جدًا على قلب الفنان.
عبّر طه دسوقي عن شعوره العميق بالامتنان لحصوله على التكريم، مؤكدًا أن هذا التقدير، الذي يأتي عبر تصويت الجمهور، يعني له الكثير، وقال في تصريح له لـ”العين الإخبارية”:”بشوف التكريم ده مهم جدًا لأنه من تصويت الجمهور، وأي جايزة من الجمهور بتبقى عزيزة جدًا على قلب الممثل والفنان، ده كرم كبير من ربنا ودعاء أمي، وشوية اجتهاد صغيرين أوي، بس والله مبسوط أوي بردود الفعل، ويارب أكون قد المسؤولية دي اللي بتتحط عليا، ويارب أكون دايمًا عند حسن ظن الناس”.
تجربة مميزة في “ولاد الشمس”
تحدث دسوقي عن مشاركته في مسلسل “ولاد الشمس”، الذي يُعرض خلال الموسم الرمضاني، وأثنى على زملائه المشاركين في العمل، مشيرًا إلى أنه شعر بالمتعة الحقيقية خلال التصوير، وقال:”أقولهم استمتعت بالشغل معاكم انتوا الاتنين والله، ممثلين شاطرين جدًا، سواء أحمد مالك خبرة كبيرة جدًا وموهبة جبارة، وسواء عصام برضو موهبة جبارة، بجد من الناس اللي استمتعت بالشغل معاها، مش هتكلم عن نفسي بس، والله هتكلم عن مالك وعصام وداش وعلي صبحي وحاتم ومصطفى غريب، هما فعلًا بيشتغلوا أوي، وبيركزوا أوي، وبيجتهدوا أوي، كل واحد فيهم بدأ من بدري أوي وبيحاول، فلما الفرصة بتيجي بيبقى جاهز لها”.