استضاف يوسف التهامي وفانا إمام في حلقة اليوم الخميس من «عيش صباحك» على «نجوم إف.إم»، الفنانة الشابة بسنت أبو باشا، للحديث عن أحدث أعمالها الفنية.
وتقابل حبيب
وتحدثت بسنت أبو باشا عن مسلسل «وتقابل حبيب» بطولة ياسمين عبد العزيز وكريم فهمي في رمضان الماضي، وقالت: «الكواليس كانت حلوة جدا وده بيخلي الدنيا سهلة وحقيقية أكتر والتمثيل يكون طبيعي، وبيبان على الشاشة إننا عيلة واحدة، وأنا ومحمود عمرو ياسين أصحاب أوي واشتغلنا قبل كده عملين فده بيضيف للدور أكتر، وشخصيتي في العمل كانت شبهي أوي في حاجات ولكنها طيبة أكتر مني وبتسامح (حازم) مع إنه غلط أكتر من مرة».
وأضافت: «بحب أستاذ عمرو محمود ياسين على المستوى الشخصي غير إنه مؤلف كبير ودي كانت تاني مرة أشتغل معاه وفيه تعاون تالت قريب لكن لسه ما تمش التعاقد».
وأشارت بسنت إلى أنها استفادت من الفنانة أنوشكا خلال تصوير العمل، قائلة: «كنا بنقعد في الكواليس قبل المشهد وهي بتكون متقمصة الشخصية بره الكاميرا وهي قاعدة معانا حتى هزارها وضحكتها هي ضحكة شخصيتها (إجلال)».