لماذا تتجه أسعار شرائح الكهرباء للزيادة؟

الكلام على شرائح الكهرباء رجعت يكتر من تاني هل يا تري الحكومة هتزود أسعار شرائح الكهرباء من تاني.. ولو حصل الاسعار الجديدة هتطبق أمتي.. والاسعار الجديدة هتوصل لكام واية اللي بيدور في الكواليس. الكلام علي زيادات الاسعار مش بيخلص خصوصا أن الاسعار بتتغير مع كل تغير في سعر الصرف بسبب التوترات والتغيرات الجيوسياسية واللي اثرت علي البورصة العالمية، وطبعا التغيرات في اسعار الصرف بتنعكس علي الاسعار عندنا في مصر خصوصا اسعار الخدمات اللي بتقدمها الحكومة للمواطنين واحدة من الخدمات دي هيا الكهرباء، واللي الكلام كتر عليها عن نيه الحكومة زيادة اسعار شرائح الكهرباء بداية من شهر يوليو اللي جاي، خصوصا أن الحكومة من كام شهر اخذت قرار بزيادة اسعار المواد البترولية بشكل كامل. لازم نكون عارفين أن الحكومة عندها التزام مع صندوق النقد الدولي برفع الدعم عن كل الخدمات اللي بتقدمها للمواطنين، وفعلا الحكومة عندها جدول زمني بتطبقه لرفع الدعم بشكل تدريجي عن الخدمات زي البترول والكهرباء وغيرها من باقي الخدمات.طيب هل اسعار الكهرباء هتزيد فعلا خلال الفترة اللي جاي؟. علشان نكون واضحين، أن مجلس الوزراء حتي الأن معطاش الاشارة لوزارة الكهرباء والطاقة المتجددة ممثلة في جهاز تنظيم مرفق الكهرباء وحماية المتسهلك وده المسئول عن وضع خطط تسعير شرائح الكهرباء علشان يبدأ يناقش الاسعار الجديدة للاستهلاك المنزلي أو التجاري. في مصادر بوزارة الكهرباء والطاقة المتجددة طرحت في الفترة اللي فاتت وقالت أن الوزارة بشكل كبير من هتقر إي زيادات جديدة علي اسعار الشرائح خلال السنة المالية الجديدة واللي بتبدأ في شهر يوليو من كل سنة، وان لو حصل اي زيادات جديدة في اسعار شرائح الاستهلاك مش هيكون قبل سنة 2026. المصادر قالت كمان، أن المناقشات اللي بتدور في الكواليس داخل غرف وزارة الكهرباء والطاقة المتجددة عن تاجيل تطبيق زيادة جديدة في اسعار شرائح الكهرباء هو الزيادة اللي اقرتها الحكومة في الدعم المخصص لقطاع الكهرباء واللي وصل في الموازنة المالية الجديدة للدولة لـ75 مليار جنية، هتحلي الوزارة تفكر في تاجيل الزيادة خصوصا أن الوزارة خلال الفترة اللي فاتت استرد جزء كبير من الطاقة اللي كانت بتروح بدون حساب واللي كانت بتتسرق من ورا العدادات، وحاليا وصلت ايرادات الدولة من وقف السرقة علي الشبكة الموحدة للكهرباء لاكثر من 9 مليار جنيه. الحكومة حتي الان أكدت أنها متلزمة بخطة تسعير شرائح الكهرباء واللي الدولة شغالة بيها من شهر أغسطس اللي فاتت واللي هتفضل مكملة معانا لحد نهاية شهر يوليو اللي جاي، لكن الدكتور مصطفي مدبولي قال أن كل شئ وارد وممكن الحكومة تفكر في تحريك اسعار شرائح الكهرباء خلال الفترة اللي جاية خصوصا أن الاسعار العالمية دايما مرشحة للزيادة .