الأكشن مكاني الصح.. والمسرح عايز إمكانيات وخبرة

تحدثت الفنانة ياسمين صبري، عن مشاركتها في فيلم المشروع X، بطولة الفنان كريم عبد العزيز، وحرصها على مشاركتها في الموسم الدرامي الرمضاني.وقالت ياسمين صبري، في تصريحات لبرنامج مساء الإمارات مع الإعلامي عبد العزيز أحمد: المخرج بيتر ميمي دايمًا بيوجهني أني مطلعش برا الشخصية، لأن نبرة صوتي ساعات بترفع فكان بيخليني أتكلم بشكل أعمق ودي مش طبيعتي، والشخصية كلامها ما قل ودل وبتعبر دايمًا بالأكشن، ده دور عمري ما عملته وأنا حبيت الأكشن أوي وحسيت أني اتحطيت في المكان الصح.وعن حرصها عن مشاركتها في السباق الرمضاني، فعلقت ياسمين صبري: عمري ما عملت عمل على منصة أنا بحب موسم رمضان وبحس الناس كلها بتستنى إعلانات رمضان ودراما رمضان، موسم رمضان ده الشامبيونزليج، وأنا بحب أكون موجودة في الموسم القوي، وخارج الموسم مبيبقاش عندي وقت لأني بيكون عندي حاجات تجارية برا التمثيل أو بصور فيلم، فمبيكونش عندي وقت للمنصات مع أنها هي المستقبل.

ياسمين صبري: بخاف من المسرح

كما تحدثت الفنانة ياسمين صبري، عن تأخر خطوة المسرح، قائلة: أنا بخاف من المسرح وبحس أنه عايز إمكانيات وعنده خبرة وأنا لسه، فالمسرح متأجل شوية لغاية ما أحس أني جاهزة.

فيلم المشروع X

وفيلم المشروع X، من بطولة الفنان كريم عبد العزيز، الفنانة ياسمين صبري، إياد نصار، أحمد غزي، عصام السقا، إلى جانب عدد من ضيوف الشرف المميزين أبرزهم هنا الزاهد وماجد الكدواني، والفيلم من تأليف وإخراج بيتر ميمي.