تحدث المعلق المصري علي محمد علي، على أنه ينتمي إلى نادي الزمالك، مشددًا على أنه مارس العديد من الرياضات في القلعة البيضاء وصغره.
وقال علي محمد علي خلال تصريحات عبر بودكاست «bein» المذاع على قناة بي إن سبورت : “أنا زملكاوي ومش هخبي وأعلنتها من قبل، لما تشوف سي في علي محمد علي هتلاقيه لعب في نادي الزمالك غطس وكرة سلة وكرة قدم فانا أكيد زملكاوي، ولكن موضوع الانتماء ده شائك جدًا وخصوصًا في عصر مواقع التواصل الاجتماعي والسوشيال ميديا”.
وأضاف: “في السابق عادي جدًا إنك تكون معلق زملكاوي أو أهلاوي، البعض بيحب ينفي، ولكن لما تبحث ورائي هتلاقي الهوية والنشأة في الزمالك، ومن زمان وأنا بعلق مباريات الأهلي والزمالك من صغري، وانا مش معلق غبي عشان أفرط في شعبيتي وجماهيريتي، الانتماء ده في البيت وليس في شغلي وعملي”.
وختم: “السوشيال ميديا بقيت وسيلة ضغط على المعلق، ولو انت خالفت اللي حابب يسمعه المشاهد بتبقى الصورة مش حلوة، ولكن مهنتنا هي وصف الأحداث وليس التعليق عليها، في النهاية احنا بنكون كالمرآه”.
