قام مسجل خطر بالأمس ويدعى حسن من عائلة اولاد عليان بذبح سيدة قبطية تدعى نادية يوسف نخنوخ بديروط محافظة أسيوط وفرا هاربان وانتشرت الكثير من الأخبار الحقيقة والمغلوطة ولكن ظهرت ابنة الضحية لتنشر تفاصيل الواقعة تستغيث بالمسئولين وكتبت الاتى :
منقول من صفحة بنتها
للتوضيح والحقيقه هذه الجريمه مترتب لها بقالها شهور الشخص ده بقالوا فتره طويله بينزل على أهلي في البيت من السطح ويقعد يهدد فيهم ويقول لي أمي هموت لك كيرلس ومش هسيبك يام رامي والأمر كان متكرر .
وأضافت وتم عمل بلاغ في قسم ديروط حوالي 6 محاضر وتم إبلاغ أمن ونيابة أسيوط ولم يتم أي إجراء قانوني نهائيا يتم حبسه يوم او يومين ويطلع يعمل نفس الأمر تاني .
قفلنا السطوح خالص راح لف وجالهم من الشارع
في الاخر الحكومه قالت ليهم ياعم حشمت انت دوشتنا لما يبقي يعمل فيكم حاجه ابقي أتكلم وبعدين قفلنا السطوح خالص راح لف وجالهم من الشارع بكل بجاحه والجيران وقفوا مع أهلي و اتخانقوا معاه وبعدين بعنا البيت وقولت لي أهلي كفايه كده تعالوا عيشوا معايا في القاهرة وبالفعل تم بيع البيت وتم شراء قطعة أرض في ديروط بجوار المستشفى وبدأوا أهلي في بناء البيت واتقدم فيهم بلاغ أن مش مترخصه الارض وتم هدمها اصبح أهلي خسروا بيتهم ومفيش مكان معيشي واستلام البيت كان هيتم بعد عيد الأضحى وللاسف حصل اللي حصل.
مفيش غيرنا بيت مسيحي في الشارع