مفاجأة صادمة.. شوف أسعار السيارات رايحة على فين الفترة الجاية

يا ترى أسعار العربيات عاملة إيه دلوقتي، وإيه طبيعة أو حالة السوق، هل في ثبات في الأسعار؟ ولا رجعت ترتفع تاني، وإيه ظروف الأوفر برايس، لسه في زيادة على سعر العربية بعد ما تشتريها؟دلوقتي، سوق السيارت الجديدة أو “الزيرو” وكمان المستعملة، واقف بشكل كبير، وده مش كلامنا، ده كلام رئيس رابطة تجار العربيات أسامة أبوالمجد، الللي أكد إن فيه ركود بنسبة 5% في العربيات الجديدة والمستعملة.وأكد “أبو المجد”، إن سبب ركود السوق هو إن الأسعار ارتفعت بشكل كبير، والناس بقت عندنا أولويات تانية، زي الاكل والشرب ومصاريف المعيشة، وكمان  في ناس كتير دلوقتي بتركز في مصاريف المدارس والامتحانات والعيد وغيرها، عشان كده مابقاش في طلب كبير على العربيات سواء الزيرو أو المستعملة.عندك برضو، التقسيط دلوقتي بقى صعب، لأن البنوك مش بتسمح إن القسط يزيد عن 40% من الدخل، يعني اللي مرتبه قليل، صعب جدا ياخد عربية بالتقسيط دلوقتي، عشان  كده، في ناس كتير مستنية الأسعار تنزل أكتر قبل ما تشتريوبرضو، في نفس الوقت العربيات المستعملة بقت هي الحل عند كتير من الناس، وده لأنها أرخص وأسهل في الشراء حتى لو مش حالة زيرو، بس هي الحل المناسب في ظل غلاء الأسعار وارتفاع تكاليف المعيشة، وأهي بتمشي الحال.طيب إيه اللي هيحصل في الأسعار الفترة الجاية؟بص يا سيدي، حسب كلام رئيس رابطة تجار العربيات، فلو سعر الدولار فضل ثابت فالسوق هيبدأ يستقر والأسعار معاه تظبط شوية، وكمان في موديلات جديدة ممكن تنزل بأسعار أقل، وده ممكن يحرك السوق وينعش حركة البيع والشراء من تاني، والدنيا تبقى أفضل في سوق السيارات.بس دلوقتي في نقطة مهمة لازم الناس تاخد بالها منها، وهي إن بعض المعارض بدأت فعلا تعمل خصومات بسيطة علشان تحرك السوق، لكن  الخصومات دي مش مغرية أوي، لأن أغلب الناس مستنية موجة تخفيضات أكبر خاصة مع قرب نزول موديلات 2026.والمفاجأة بقى، عي إن في شركات بدأت اتفاوض مع الوكلاء علشان تنزل موديلات اقتصادية أكتر بأسعار تناسب الطبقة المتوسطة، فممكن جدا يكون فيه انفراجة قريب والأسعار تنزل، وكل اللي نفسه في عربية ينتهز الفرصة وينزل يشتري.