لعيبة الأهلي فقدت الروح والشغف مع كولر

وجه محمود أبو الدهب نجم النادي الأهلي السابق، انتقادات حادة لـ مارسيل كولر المدير الفني للنادي الاهلي، بعد خروج المارد الأحمر من بطولة دوري أبطال أفريقيا.

وودع الأهلي منافسات بطولة دوري أبطال أفريقيا بعد التعادل إيجابيًا 1-1 صن داونز في مباراة الإياب التي جمعت الفريقين مساء الجمعة على استاد القاهرة الدولي.

وقال أبو الدهب في تصريح تليفزيوني عبر شاشة “أون سبورت”: ”كولر ظلم لاعبين كتير في النادي الأهلي، ومش عارف الإدارة شايفة إية غير اللي الجماهير شيفاه”.

 وأضاف: “كولر يبناقض نفسه، ده مبطل لعيبه كتير، واللعيبة فقدت الروح والشغف مع كولر”.

وأكمل: “واحد زي أفشة اللي دايمًا كنا بنطالب بيه يشارك في المباريات ليه تنزله في آخر المباراة؟”.

وأردف: “التغيير واجب في رحيل كولر، هو أة كسب بطولات ولكن خسرني كام بطولة، وهو اللي كان سبب فيها”.

 وأتم أبو الدهب: “في حال التغيير اللعيبة هتفوق وهيتجدد الشغف للعيبة والروح هترجع من جديد، اللعيبة معاه مش عايزة تلعب، ف عشان كدة لازم يرحل”.