كشف ربيع ياسين نجم النادي الاهلي ومنتخب مصر الأسبق كواليس تلقيه عرض احترافي من نادي ليفربول الإنجليزي.
وقال ربيع ياسين في تصريحات صحفية: “جالي عرض رسمي من ليفربول الإنجليزي.. كان الوسيط طه اسماعيل الحكم الدولي وبلغ مسئولي الاهلي وجالي مصطفي عبده كابتن الفرقة وقالي ليفربول طلبك بالاسم “.
وأضاف ياسين: “محبش اتكلم عن الأمور دي ووقتها مكنش فيه اعلام يتكلم ..انا سبت قطر عشان منتخب مصر”.
وأتم : “الاهلي قالي في شيخ قطري عايزك بالاسم وفعلا وافقوا على رحيلي وعملت مؤتمر صحفي وروحت لعبت هناك اربع شهور وتألقت ومع ذلك رجعت عشان منتخب مصر كان عايزني في مونديال 90.. وضحيت عشان بلدي ومش بتاجر ولا بقول “.
