علق الإعلامي عمرو أديب، على فوز الزمالك ببطولة كأس مصر على حساب نظيره بيراميدز في المباراة التي جمعت بين الفريقين أمس.
وكتب عمرو أديب عبر حسابه على منصة “اكس”: “مش عارف امسك نفسي، بس يا جماعة الزمالك خارج من المستحيل خارج من الضياع قدام فريق بطل فريق قوي ولكن هو الزمالك لا يموت ولا ينهار هو في الدم هو في الجينات نادي بطولات”.
وأضاف: “وفى مباراة مشكلة متعبه قلب مفتوح يحرز الزمالك الكأس ضد كل المصايب والكوارث والظلم والظلمات، وإيه الأعصاب دي يا شيكا أنا مت وانت داخل هادى واثق عبقري تاريخى أسطوري”.
وتابع:”مبروك للريادى الريادة ومبروك لرجالة الزمالك والله ما في حد كان يعرف يرجع زيكم علشان نفرح ونصوت والعيد يبقى عيدين، مفيش زي الزمالك مفيش غير الزمالك مبحبش غير الزمالك وزمالك ومعلش بقى حطوا النقط انتوا فوق الحروف وتحتها”.
وتوج الزمالك ببطولة كأس مصر للمرة الـ29 في تاريخه، على حساب بيراميدز بركلات الترجيح، بعدما انتهى الوقت الأصلي والإضافي بالتعادل الإيجابي بهدف لكل فريق، لتحسم ركلات الترجيح الانتصار للفارس الأبيض.
